Tilskot
Om tilskotet
Norec er ein del av Noreg sin samla innsats for internasjonal utvikling. Gjennom gjensidig kompetanseutveksling skal Norec støtte globale partnarskap i deira arbeid for å nå berekraftsmåla til FN. Norec bidrar også til at unge menneske får internasjonal arbeidserfaring og kompetanse innan berekraftig utvikling.
Prioriteringar for tilskotet
- Kjem snart
Søknadsfristar
Frist for forundersøking: 15.februar og 15.august.
Samarbeidsprosjekt med planlagt oppstart januar 2024, må søke innan 1. juni 2023.
Samarbeidsprosjekt med oppstart august 2024, må søke innan 1. februar 2024.
NB: Alle prosjekt må ha gjennomfort ei forundersøking, før ein kan søke om samarbeidsavtale.
Kven kan søke?
Norec støttar internasjonale partnarskap i og mellom land i Afrika, Asia, Latin-Amerika og Noreg.
Vi tar i mot søknader frå:
- Frivillige organisasjonar
- Offentleg sektor
- Privat sektor
Søkarane må halde til i Noreg eller eitt eller fleire av Norec sine samarbeidsland.
For å søke tilskot, må søkaren:
- vere ei juridisk eining
- ha nødvendig fagleg og administrativ kompetanse og kapasitet til å gjennomføre prosjektet
- ha realistiske og kvantifiserbare mål for prosjektet
- ha etablert eit godt samarbeid med organisasjonane som inngår i søknaden
(Alle må ha vore med på å utarbeide søknaden.) - ha rutinar for å nyttiggjere seg medarbeidarane sin kompetanse både før, under og etter eit utanlandsopphald
Viktig: Nye partnarar må gjennomføre ei forundersøking før dei kan søke om ein samarbeidsavtale med Norec.
Søknadsprosessen
Søknadsprosessen i Norec foregår stegvis: forundersøking – prosjektsøknad – utveksling.
Forundersøking
For å starte eit samarbeidsprosjekt, må ein først gjennomføre ei forundersøking. Dette er viktig for at de som samarbeidspartnarar skal bli betre kjent og bli einige om målsettingane for prosjektet. Forundersøkinga består av eit introseminar i regi av Norec og eit partnarmøte. I løpet av forundersøkinga skal de saman utarbeide ein søknad om utveksling.
Prosjektsøknad
Når forundersøkinga er gjennomført, kan du søke om ein samarbeidsavtale med Norec. Denne består vanlegvis av fleire runder med utveksling, og går over fleire år. I søknaden skal partnarskapet vise målsettingane for prosjektet, og korleis de vil samarbeide for å nå desse. Alle partnarskap har ein eigen sakshandsamar i Norec, og kan gje råd og rettleiing i søknadsprosessen.