Utreisekurs: Beredskap og etikk i internasjonalt utviklingssamarbeid

Skal du på jobbreise i samband med bistand eller internasjonalt samarbeid? Eller har du ansvar for medarbeidarar som reiser?

Norecs utreisekurs gir deg praktisk kunnskap om etikk, kulturforståing, sikkerheit, beredskap og førstehjelp. Gjennom faglege innlegg, diskusjonar og realistiske scenario får du verktøy til å førebu deg på situasjonar som kan oppstå når du arbeider internasjonalt.

Kven passar kurset for?

Kurset er retta mot tilsette i norske organisasjonar og institusjonar som mottek statleg støtte til arbeid innan norsk utviklingspolitikk. Kurset er særleg relevant for deg som er ny i internasjonalt samarbeid, men gir også erfarne medarbeidarar eit nyttig fagleg påfyll.

Praktisk informasjon:

• Dato: 7. juni
• Tid: 09.00-16.45
• Stad: Oslo (stad blir annonsert seinare)
• Pris: Gratis om din organisasjon mottek statleg støtte
• Minst 12 deltakarar må vere påmelde for at kurset skal bli gjennomført
• Arbeidsform: korte innlegg, refleksjonsøvingar, scenarioarbeid og diskusjonar.

Etter kurset skal du ha:

• betre føresetnader for å handtere etiske og kulturelle dilemma
• auka forståing av ansvar, roller og plikter knytt til sikkerheit og beredskap
• praktiske verktøy for å førebyggje og handtere uønskte hendingar på reise
• større tryggleik i møte med krevjande situasjonar i internasjonalt arbeid