Varsling om kritikkverdige forhold

Du bør varsle dersom du har mistanke om brot på lover og reglar, interne retningslinjer eller etiske normer.

Kritikkverdige forhold kan vere:

• trakassering eller anna utilbørleg åtferd

• diskriminering

• økonomiske misleghald

• rusmisbruk, speleavhengigheit eller nettbasert avhengigheit

• forhold som kan utgjere ein fare for liv og helse

• utlevering av teiepliktige opplysningar

• uforsvarleg oppbevaring av sensitive dokument eller opplysningar

Norec sitt varslingsteam handterer saker som gjeld mistanke om økonomiske misleghald knytte til Norec-midlar og varsel om trakassering hos Norec sine partnarar.

Tilsette i Norec kan òg bruke den eksterne varslingskanalen for å varsle om kritikkverdige forhold.

Norec har ikkje arbeidsgivaransvar for prosjektdeltakarar. Dersom det er mogleg og forsvarleg, tilrår vi at du først varslar internt i organisasjonen. Partnarane til Norec er forplikta til å varsle Norec om kritikkverdige forhold i prosjekta.

Du kan varsle Norec direkte ved å sende e-post til:

varsling@norec.no

Norec tek alle varsel på alvor. Vi behandlar alle varsel konfidensielt.

Dersom du ønskjer å vere anonym, eller det er andre grunnar til at du ikkje ønskjer å varsle Norec direkte, kan du bruke den eksterne varslingskanalen.

Du kan varsle via skjemaet på denne sida eller sende brev til:

Ernst & Young AS

Att: Granskingseininga (Forensics), Oslo Atrium

Postboks 1156 Sentrum

NO-0107 Oslo

Noreg

Merk e-post eller konvolutt med «Konfidensielt varsel».

Du kan òg varsle på telefon: +47 24 00 20 14 (kvardagar kl. 08.00–16.00).

Du vel sjølv om du vil varsle anonymt. Du kan òg velje å vere anonym overfor Norec, slik at berre Ernst & Young kjenner identiteten din.

Ver merksam på at anonym varsling i mange tilfelle kan gjere det vanskelegare å undersøkje og følgje opp saka.