Søk arbeidsutveksling fase 2: Gjennomføring av prosjekt

Fase 2 er det andre steget i ei arbeidsutveksling gjennom Norec.

For å få søke på fase 2 må ein ha fullført fase 1. Partnarar som nyleg har hatt eit prosjekt hos Norec kan også søke rett på fase 2 dersom dei ønsker å halde fram med prosjektet.

Dersom søknaden for fase 2 blir godkjend, får de støtte til å gjennomføre ei arbeidsutveksling.

Norec gir rettleiing og opplæring. I tillegg vil alle som er involvert i utvekslinga få kursing for å sikre god gjennomføring.

Tilskotsordninga er konkurransebasert. Søknader må vere fullstendige, sendast inn innan fristen og oppfylle alle formelle krav.