Søk arbeidsutveksling fase 1: Utvikling av prosjektidé

Fase 1 er det første steget i eit samarbeid om arbeidsutveksling gjennom Norec.

For å søkje om fase 1 må to eller fleire organisasjonar frå minst to ulike land søkje saman.

Dersom søknaden blir godkjend, får organisasjonane støtte til å møtast fysisk og vidareutvikle prosjektideen saman.

I fase 1 får dei også rettleiing og kurs frå Norec om korleis dei kan samarbeide godt med ein internasjonal partnar og planleggje eit godt utvekslingsprosjekt.

Når fase 1 er gjennomført, kan partnarskapet søkje om fase 2.