PostExchange Initiative

Norec har oppretta EtterUtveksling, ei tilskotsordning for småskala prosjekt og initiativ frå tidlegare utvekslingsdeltakarar. Ordninga gjeld for deg som fullførte utvekslinga di i perioden mellom 1. september 2024 og søknadsfristen.

Gjennom EtterUtveksling kan du bruke erfaringane og kunnskapen frå utvekslinga til å nå ut til fleire og bidra til positiv endring i lokalsamfunnet ditt.

Tilskot blir tildelt etter søknad. Alle søknadar blir vurderte etter kriteria i utlysinga, og i konkurranse med andre søknadar. Merk at du ikkje er garantert tilskot, sjølv om du oppfyller alle kriteria.

Den totale ramma for ordninga er 40 000 USD.

Neste frist for søknadar vert hausten 2026.

Du kan søkje dersom du:

• er medlem av Norec-nettverket
• fullførte utvekslinga di og heimkomstkurset i perioden mellom 1. september 2024 og søknadsfristen.
• har god kjennskap til temaet initiativet eller prosjektet ditt handlar om.
• samarbeider med ein Norec-partnarorganisasjon. Dersom du får tilskot, vil organisasjonen ta imot midlane og formidle dei vidare til deg
• har ansvar for gjennomføring og rapportering av prosjektet

Prosjektet ditt skal ha positiv påverknad i lokalsamfunnet, med berekraftige mål som hovudfokus. Vi legg særleg vekt på tiltak som styrkjer likestilling og/eller digitalisering.

Eksempel på aktivitetar kan vere:

• ungdomsprosjekt innan idrett, kultur eller utdanning
• yrkesopplæring eller mikrofinans for kvinner
• kurs, kampanjar eller samlingar for å dele kunnskap

For å få støtte må initiativet:

• bli gjennomført i Noreg eller i eitt eller fleire av landa på Norec si partnarliste
• rette seg direkte mot eitt av FNs berekraftsmål
• byggje på innsikt og erfaringar du fekk under utvekslinga di
• ta tak i eit konkret behov i lokalsamfunnet
• ha realistiske mål og vere kostnadseffektivt

Du kan søkje om mellom 3 000 USD og 5 000 USD i tilskot.

Norec vurderer alle søknadar og vel ut dei som best oppfyller måla med utlysinga.

Vi legg særleg vekt på:

• kor relevant prosjektet er for føremålet med støtteordninga
• at ordninga får ei brei portefølje, med mangfald i aktivitetar, tema, målgrupper og land
• behovet for prosjektet i lokalsamfunnet
• forholdet mellom tilskotet og dei resultata vi kan vente oss
• risiko knytt til tiltaket
• relevans for norske utviklingsprioriteringar
• moglegheit for kunnskapsdeling i Norec-nettverket

Dersom du får tilskot, har du ansvar for å forvalte midlane og sørgje for at dei planlagde aktivitetane blir gjennomført som planlagt.

Du må sende inn både ein rapport og ein rekneskapsrapport til Norec innan seks månadar etter at du har mottatt tilskotet.

• Søknadar må sendast inn gjennom det digitale skjemaet (lenkje blir sendt til alle kvalifiserte søkjarar).
• Neste frist for søknadar vert hausten 2026.

• Sjå «vanlege spørsmål» (punkt 8).
• Kontakt oss på network@norec.no dersom du har spørsmål.
• Test gjerne vår AI-bot for hjelp med å skrive søknaden din, ved å følgje lenka nedanfor.
• Sjå YouTube-videoen frå webinaret vi hadde om EtterUtvekslingsordninga tidlegare i år.
• Dersom du ønsker å forberede deg på spørsmåla før du søker, kan du laste ned PDF-versjonen av søknaden nedanfor. Hugs likevel at berre søknadar som kjem inn gjennom søknadsportalen (blir sendt ut på e-post til medlemmer av Norec-nettverket) blir vurderte.